متعلق بحبل الأمل من معاناه
على رجا فرحه وأماني بعيده
الله كريم بمدته في عطاياه
تفرح بها حتى نواوير بيده
لكن شعور العاطفه ذي مزاياه
تظن ولامن فيه حاجه اكيده
تعتادني لهفة يديه و حناياه
مرات ترفضني وتصبح عنيده
فوضى مكانه عارمه تتعب أشياه
وقلبه الرمادي لاعبن فيه كيده
تاريخه أقسى من قساوة براياه
مافيه ذكرى واحده له سعيده
أصدق كلامه في صلاته مناجاه
عسى حياتك في سعاده مديده
عسى الفرح لك تبتسملك ثناياه
ومهر القصايد فيك تبقى شريده
قبل الغياب اللي تسولف شفاياه
يجرح خفوقي لين ينزف وريده
وظنون ليله والغرام و خطاياه
ودمعةوداع لبنت عذرى وحيده
الياس سوى من رحلتي سواياه
ماله دوا و لا فيه حاجه مفيده
جيش العذاب اللي غزني سراياه
يطغى على صوت الاغاني نشيده
أعلن حدوده عالمي من ضحاياه
بتشرين الأول فيه روحي شهيده
هذا أخر الصبر الطويل وبقاياه
خذلان موجع في مواقف عديده
وهذا مكانك والوطا ذن سحاياه
تمطر سحابه لك معاني فريده
يجتاحني طيفك وتكثر وصاياه
واهرب إلى ذاك النخيل وجريده
وأتذكر أغلى ماعطا من عطاياه
واخر رسايل وارده من بريده
وأبكي مثل من خان ملكه رعاياه
خايف عذابك وأتحاشا وعيده
من هالطريق اللي تعافه حفاياه
دربه عذاب وبه مشاعر زهيده
بيتك عيوني موقها هن زواياه
في نفس شاعر عند ربعه وليده
كانت ملامح صورتك في مراياه
مثل الدموع اللي على خد عيده
يلومني صوت الضمير وحكاياه
وأكتب تحت تأنيب منه قصيده
لين القصيد العذب تزهر نواياه
على شكل قصه وصوره جديده
حصه علامك ما لقينا لك أشباه
ماالله خلق مثلك شبيه بعبيده ؟