جرحك نما بين الضلوع الرهيفات
برحلة ضياع وقل شيمه وقيمه
ثورة صموده في سنين العذابات
مثل الحزن بعيون طفله يتيمه
ضاقت فجوج الدايره والوسيعات
دارت رحاها وانطوى في صميمه
واقفى على درب الندم والمسافات
حتى نسى(ذاك)العذاب و نعيمه
شاعر ويحكي ضيقته في البدايات
بهذا المرض واوجاع حزنه وضيمه
ماتوصفه كل القصص و الحكايات
والوقت الأغبر في جحود وظليمه
إليا إشتكى من ذا الوجع يقرا الأيات
وإليا سكت يزها إحترامه حشيمه
خانه عذوله في عصور الغرابات
وناحت وسط صدره نوايا سليمه
وش عاد يرجي بالوطا و السماوات
وأنتي وريثه في حياته وخصيمه
تخيلي من كثر ما هي الخسارات
كانت على حساب الأسى له نديمه
أذكر عرفتي صرخته يوم الاصوات
تعلو المواقف في إنتصار وهزيمه
يومك وطن بقلوب الاحياءوالاموات
فيه إلتقى حاظر قصيدي قديمه
منتي مثل بعض البني الخفيفات
ياطاهره عن سوء ظني وعظيمه
عليك أخاف من الامور العظيمات
وتمطر علشانك من الحب غيمه
مجنونتي شوفي حديث النهايات
وإقري قصايد في ضلوعي حميمه
تعبت أضلك وأهتدي في البنايات
بأطراف حيك في شوارع رحيمه