رحت اناظر بالمرايه واتفقدني بوجهي ؟
مالقيت البارحه وجهي على اطراف المرايه
هوصحيح إني أموت بداخلي والموت يشهي
أو صحيح إني أتوه بدنيتي وأحضن أسايه
إسحريني حتى ازهي حتى ازهي حتى ازهي ؟
وإقتليني صار هذا القتل بأوطاني هوايه
في تبوك الورد يقتل ذلك المسلم ويسهي !
ووسط تيماء يكفرونه والروايه هي نهايه
إكتبيني قبل فجر الله مع ضوضاي يبهي
اليقين ونور هاك الصبح وعيونك معايه
واوعديني قبل نار البرد من سلواي تجهي
وتبرد يدين الفقير الباكي بفقره شقايه
إحسبي ساعات حزني بالدقايق ثم إلهي
شوحي بنظرات حوله لين مايفهم كفايه
حصه البارح عرفتك جرح يامربي وينهي
مع حكاية إنتهت بالظلم وجروح وجنايه
كل ماعنك سألت النفس هذي البنت منهي
أشغلتني بالحنين اللي جرح صوته بكايه
صرت افكر بالسواهي وأتحاشاقولت إدهي
خايف الأيام تظلمني بخطا ما هو خطايه
كان مشهد للحياة بفقد منهو كان مرهي
يشرح سنين الحزين بغرفة اهات وعنايه