ودني للحلم خذني من يديني
قل لي أشياءفيه تغريني وانام
كل مازاد الغلا وأربك حنيني
اتذكر وجهك ان صلى وصام
ضمني لاهنت قبل دموع عيني
وقلي احلى ماتعرفه من كلام
اكتب اللي تكتبه أي شي فيني
كل جمله من احد غيرك حرام
ووص طيفك لاذكر حبي يجيني
والله انه وأنت غايب له مقام
دام ربعي ارخصت دمعي وديني
لجل دنيا وصارت أمالي حطام
فدوتك زلاتهم وأجمل سنيني
وكل لحظه بيننا هجر وخصام
قلي إنك ماتبي الناس وتبيني
قبل ما يبدي خفوقي لك ملام
واعد عيوني لقا قم واحتريني
وأنا بركض لك لو الدنيا زحام
مابقالي غير وجهك يحتويني
ياضياي إن طولت ليلة ظلام
هجرك اللي منه ينداله جبيني
به كتب ربي لي جروح وغرام
لا يردك صمت عابس مبتليني
من خطا حصه وظلمي وإنتقام
قلت للسلوى معه بس إتركيني
من بعد خيبه ونزاعات وسلام
مانشدت أيامها لا غبت ويني
يوم فقدي عندها غايه ومرام
وما نسيته غدرها كانه نسيني
دام صار بصدري البالي وسام
يكفي انه لا غدى حزني لقيني
عندعيده وطارت اسرابه حمام
بيض الله وجه حصه لا بكيني
(يحفظه ربي وملايكتن كرام)