" تقودني الدنيا على شي مابيه
وأوادع ايامي معي واحتضني
وأبكي ليامن قالو الناس وشفيه
مابي يعرفون بجروح أوجعني
يوم ان عذالي لقو شي خافيه
شافت عيونك ظلمهم إمتحني
عن سالفة زلة رجل في مشاريه
وظنون مع سكة ضياع ارهبني
كنتي وصرتي بارتحاله مثل تيه
شاعرحزين وخاب به طيب ظني
مايعرفه حاضر زمانه و ماضيه
ولا الوجيه اللي تحب وتغني
غير الطريق اللي تجره خطاويه
رغم الامان الضايع وكبر سني
البارحةكنت احسبك هم ناسيه
ولقيت صدري يذكرك فيك عني
حصه طلبتك لا تحفاك واسيه
ليل الحنين اللي طعونه ذبحني
قولي لعيده لانست نفسها فيه
عن هالظروف اللي سببها حدني
مدي يدينك للفجر قولي شفيه
طاغي صباحه مع جروح أرهقني
نادي ضمير الميت بداخلك هيه
وإقري قصايد فيك مني أذهلني
الهم ودموعه وخوفه و محاريه
ثارت علي جيوشهم و أرعبني
شاعر وأسولف للفراشات واغليه
وجهك ونظراتن عظيم هزمني
يوم النضال الثايره بي حكاويه
فيه إبتسامات السنين أنكرني