واقطع تسبدي من الفرقاوانا توي هواوي
ثار جرحن بالضمير اللي اتباطا مابريته
لاطرت ام العيون النجل يوم الحب ذاوي
في ضلوع اللي بكا له حيها وعمدان ليته
ترفتن تستعذب اللوعات ما ترحم وتاوي
تستفز الهام شعري وكل نهرن به جريته
اكتب جزال البيوت وغيثها دايم نداوي
واتحرى شوفها وأنطح اخوها عند بيته
جادلن زفرة نسمها للهوى عشق وغناوي
تقلب ايام الحزين ايام حلوه يافديته
وحكيها كنه سوالف رايقه لبسمة فداوي
لا تذكرته كلام أسلى جروحي لا طريته
وحسنهاماهوب حاجةلاشيوخ ولافتاوي
والله ان اصوم عمري لاهجرني ماقضيته
ترفة القد العظيم أم الحلا يومه نحاوي
بخصرها اللي لاتثنى بالعرب ماذاع صيته
والله اني أستحي منها وانا ماني حياوي
غيرمن هرج العذول اللي يظن إني وطيته
حب حصه لا تطارى داخلي بنزحة جلاوي
تنطق جزال البيوت اللي بها كبرن حنيته
والله اني من مدى الايام مع قافي خلاوي
هاجرن دمع الحنين اللي لها البارح بكيته
أتثاقل للمطيح اليا طرت وامسي شقاوي
لين ماجفني يعاف النوم في هجعة مبيته
والله ان يكثر علي الوقت بهموم وبلاوي
ومارخص منزالها عندي ولا لحظه رضيته
السماء تصبح غشام ولونها ماهو سماوي
لا درت عن شي تدري به انا منها بغيته
يالله انك حقق امالي بها وحلم ورجاوي
وقلها يارب عن روحي ورجا فيها رجيته
وإغفر لحزني إلا منه طرى وأنبت حراوي
عن ظهوره في مسافة ليلها ساعة سريته
أتفاقر من غنى نفسي بها وأرخي هقاوي
بكل معنى لاطرق طرق الهوى فيها هقيته
يالله انك تروي العطشان لحيام ومضاوي
في ليالي سطوة التعذيب منها وما شكيته
كل ما قالو قصيد الارض واشعار وحكاوي
قلت في حصه كلام أحلاه لأزهاري حكيته
صد قلبي عن هوى مريام وامال ومهاوي
وكل غنجا سولفت عن حبها يومي هويته
أفتديها في سنين العمر دام القلب قاوي
ولوبكيفي كان عنها الموت لاماتت خذيته
عشق حصه شي متأصل بلاحلف وعناوي
من زمن جدي الين الحين بضلوعي قريته
والله انه لو يساق العمر بسيوف ومناوي
ما يساوي شي من فعلا بدر عنها دريته
ذنبي إني كنت بالتسويف والغيبه مراوي
وأنتهت بي رحلة الايام بالجرح وكميته
كل ماصار الجفا موعد ولحزني مداوي
الوصال اللي شعرته ضاع يوم اني لقيته
تاخذ الضيقه يدين البال وتسبقهاخطاوي
للطريق اللي نباته ورد من دمعي سقيته
به على الجدران مكتوبه خرابيش ودعاوي
وثقت ذكرى زمانن فات لكن ما نسيته
لو بقيس الكون واهاته لها ماهو مساوي
الشعور اللي ملا جرد القصايد يوم جيته