يا غاية الروح روحي ما سكنها سواك
ياللي عن الغيد دايم طلّتك فارقه!
حتى عروق الوريد اللي سقاها هواك
باقي الى الحين في خمر الهوى غارقه
مشاعري كلّ ابوها تستميت للقاك
وتحيى على ضيّ ثغرك لا لمع بارقه
خذيني لفيّ وصلك واسكنيني غلاك
ذبلت وشموس بعدك للحشى حارقه
اكسير الارواح في حضنك وضمّة دفاك
وجراح الايام في بعده علي مارقه
لا حلّ ليلك ضياء وجهك يطرّز سماك
والصبح بارضك تشعّه شمسك الشارقه
يا جعلني ماخلا من لثم مبسم شفاك
ويا جعلني ما ارى حزنه ولا افارقه
يا فاتنه لا يزيد البعد وتهلّ ماك
عينٍ لها الحزن دايم بابها طارقه