فدوة عيونك لوغدت روح مغليك
وش عاد لو راحت لعينك عشاير
أبيع مايغلى على الكون وأشريك
واسوق لا جتي علومك بشاير
وازعل جميع الناس بالحيل وارضيك
واصبر ولو دارت علي الدواير
واخذ من أيامي لك أيام وأعطيك
وان راح عمري لك فلا هو خساير
أحب أنا شوفك وصوتك وطاريك
دايم وفكري فيك هايم وحاير
بالصمت أهوجس بك وبالصوت أناديك
والله عليم البينة والسراير
أنا وقلبي والهوى بين أياديك
عندك مفاتيح الهنا للضماير
من أحبك ومن روحي أفديك
يامن غرامه والحسن فيه ثاير