ما كون أنا الأ على ذروة سنام السمين
عيب(ن) علي استعين بقاصرين النظر
ولوكان مالي وجود بمجلس الغانمين
أكبر مصيبة لمجلاس النشمى حظر
وإن كان ما يسألون إن غبت أبو بدر وين
عز الله أنى تعيس الحال دون البشر
يا هيه راسك عليك أتحصصه باليدين
وراجع حسابات نفسك عن بلوغ الخطر
لا تاصل أحدود منت بقدها لك تبين
تجي على جمجمة راسك بوادي سقر
لو نعرف أدموع بعض الناس شرا دفين
ما كان غرة بنا دموع العيون الزغر
غلطة حليم(ن) تعرف في حقيرا لعين
ساقه على معرفت هذا الحقير القدر
لا تلمز الناس دامك للمصايب رهين
بيتك قزازٍ ولا تآمن يجيله حجر
الطيب فينا مورث ورثنا من سنين
اسأل وتلقى اللذي يعطيك عنا الخبر
فينا ورثناه من أسلافنا الأولين
يوم(ن) بعض البشر عن والدينه قصر