حي صوت سمعته راح صوبك صداه
مثل غيث السحابة في فيافي الفلا
هشمت لين منها سال وادي المياه
يا هلا بالسحاب الممطرة يا هلا
كانت البيد عطشانه وتشكي ضماه
من الجفاف بثراها غاب عنها الملا
مثل ما غاب عن قلبي حبيب هواه
حطم أركان قلبي ليت عنه سلا
ما بقى فالربوع القاحلة من حياة
ما يجيها سوا طرق بروحه جلا
يوم علت من الماء وعم كل اتجاه
اخضرت بعد ماهي مجدبه ومحلا
مير قلبي همومه ما هدت وش بلاه
كن همه يضمه شرب منه وكلا
تسمره كل ذكرى لين بيح خفاه
تسأله عن رحيل أحباب ولا انزلا
ويل قلبي تعذب جمر صبري كواه
ما سلا يوم كل أيام وقته بلا
من منحني غلا ما خب فيني رجاه
يا عسى من هل قلوب الوفاء ما خلا