ياللي طرقتي باب قلبي بالأهداب
دخيل نظرات العيون وهدبها
سودن تعلاهن هلالين ونقاب
غطا على نور القمر من أدبها
الله يعين الي من اسهامها انصاب
يبقى ضحية غلطةٍ ما حسبها
اسهام عينه كنها سهم نشاب
ان وجهه صوب الرميه عطبها
جت وانصبت لي فخ والحب غلاب
ولاهو على الي كل لعبه لعبها
يا بنت بي جرح المعاناة ما طاب
أدري جروحي وأتحاشى غضبها
يا بنت أنا والله ماني بلعاب
مثلي ملاعيب الجهل يجتنبها
حبيت امتع ناظري والقمر غاب
واخفا معاه أمواج بين خطبها
ليه البخل حطيت من دوني احجاب
حتى عيونك عن عيوني تحجبها
خلاص لا تغضب ترى خاطري طاب
لو ترجع النظرة لك أقول جبها