الله من قلب غزته الهواجيس
مايستريح من العنى في هجوسه
زادة به الدقات مثل المراويس
همه غزاه وعاسينه عسوسه
رادوه وامسوبه جميع العواسيس
حظر طوابيره وحظر كدوسه
وسيس بيوته داخل القلب تأسيس
ناحل عظامي ماسلم من ضروسه
والجسم جف ويبسة الكبد تيبيس
والروح في داخل جسدها محبوسه
محبوسة ٍ بالجسم ضمن المحابيس
معها بقايا للخفوق مغفوسه
والباقي الي ديس يشكي لبو قيس
من جور ماعاصر سنينن عبوسه
سنين رمنه بالشبك واللواليس
همه رماه بسهم من وسط قوسه
سددوقوس قبضة السهم تقويس
في عاز من يامرعليه ويروسه
صابه سطابه واول القلب ماجيس
شفت العذاب وذقت من مركوسه
وصبري نفذ مني تعدى المقاييس
واخذت من ماضي زماني ادروسه
اخذت خبره مهنتي فيه تدريس
ياويل من مثلي سنينه تدوسه
وفرحوامعاوين الدهر فزعة ابليس
اهل النفوس الحاقدين النجوسه
الي سوالفهم خر يط وحماليس
خذوا من الدنيا عمل كل سوسه
في مظهر الأصحاب لكن جواسيس
ولاهم على علم النقا والفروسه
على النمايم والردا والبسابيس
احذر تجي مجلس نفوسن أنحوسه
حكاية الوجهين جيش الأباليس
اهروجهم دايم تجيك معكوسة
ايجاملونك عند ماترخي الكيس
عربونهم دايم على الراس بوسة