لاصار هذا الخيال الحلو ملحٌ أُجاج
يصير تمر المعاني في قصيدي حشفْ
بعضي كره بعض منّي وأعلن الاحتجاج
ضدي وأنا ضد نفسي بين جذل وأسفْ
كنت أحسب إن في يديني يا طريقي سراج
أثر الظلام احتواني لين قلبي وجفْ
يا عاذلي لا تلوم اللي خذاه انزعاج
اللي غرق جوف غبّه حين موجه عصفْ
أما تدلّه لمينا فيه سدّ احتياج
ولّا تكفْ الملامة لا تزيده حسفْ
بين الألم والأمل يا صاح حاجز زجاج
لو ينكسر يختلط بغضي بذاك الشغفْ