قال انتظرني لاتغادر قلت حاضر انتظر
واكد عليه بأنتظاري قال تسمع قلت جل
تأمر وتأ مرني أمر ياهل ترا وش الخبر
وانا على بابك تراقبني عيون وبي وجل
واقف ومليت الوقوف ماعاد انا بيه صبر
صرت اتلعثم بالحروف لحدٍ سألني في عجل
قلت انتظر شخص ٍعلى قلبي عزيز من البشر
كلي خجل ياسيد البيض الملاح كلي خجل
احرجتني وانا غريب واقف على ذاك الممر
ويلاه ياقل النصيب بين الأماني ولأمل
ماعاد ليه يوم راح وانا انتظر وش صار ياليل القهر
هل هو يعود ماعلم عنه وش السبب ماذاحصل