انا والله اعرف ان المحبه تجلب المنقود
واخالف رمعة الي قدهقابي جل هقواته
ابي منه اعتذر ياليت يقبل عذري المحدود
انالي قلب يعشق والبشرهاذي علاماته
عزاي اني بشر ماني جماد ولاحجرجلمود
يحس وله طقوسه بالحياة وله معاناته
يحب ويشعر ويكره ولاعنه البشرفي زود
مثل مايشعرالعالم يحس ويشعربذاته
انا الي صابني سحر العيون الناعسات السود
سحرني في بيانه حين كلمني ونظراته
تهصر كان يمشي في نفود وطالع ٍ بسنود
عليه الثقل زاد وبان جهده من تنهاته
وقف ينظر وقررعن صعوده للنفوديعود
ماهو قادر يكمل لين ياصل عند خياته
يناظر لي وسدد صاب قلب العاشق المقرود
الي جا للهلاك وساقته للموت خطواته