احد تمنى غيبته بالأماني
عن ناظرك تطلب عسى الله يخفيه
واحدٍ يغيب ومن فراقه تعاني
في غيبته تسهر عيونك وتبكيه
في غيبته تذبحك حتى الثواني
تجهز على قلبٍ يحبه ويغليه
الصبر ماله في غيابه معاني
ودي معاه امسك يمينه واباريه
جمرة غلاه الي سناها كواني
تعظمة في داخل الصدر تكويه
ضلت تسامرني وأنا منها أعاني
حتى تحجر جمرها واللهب فيه
يوم انطفت حولتها شكل ثاني
الماسة تزها على جيد غاليه
اغليت ناره لو بناره رماني
ناره ولاجنة مكان يجافيه