يا راكب الي جديد توه آخر مديل
يطوي مسافات بعد توحش اذيابها
مكفول من مصدر عبد اللطيف الجميل
عساه في جنة الفردوس يهنابها
أهواك يا موتري فيك أعشق المستحل
واعشق دروب الخطر والبيد وهضابها
على دليل الخريطة ما يبي له دليل
اسهول كانت والاجبال يرقابها
ادريوله حزت الأزمات باعه طويل
يسلك دروب الخطر ما همه اصعابها
يأبو محمد ترى صوتك وصلني بليل
وجيتك على الي وراها يعصف اترابها
ابشر بعزك حزامك لا تبرا العميل
بالمال ولا بحد السيف تحضابها
نجيبها طيب ولا بحد سيف صقيل
حتى عيونك تقر بشوف غيابها
في ليلة ما رجا فيها خليل خليل
بأذن الولي ما نععود اديارنا إلابها
يا سامي الجد يا رعي المقام الجليل
مواقفك بالشدايد ما حد جابها
والنايحات إن بكن أو كثر العويل
النفس لازم يغير حزنها أطرابها
وكان الدراهم تخفيها كفوف البخيل
ماسرفيها القريب ولا تهنابها
يا راعي الباس وقت الجد حامي الدخيل
لا ضاع شور الرجال ودنة ارقابها
انا أشهد أنك شجاع وحد ذات الصليل
في ضربتك للرمية تعلن أعطابها