كتمت عبرتي من حولي السمّار
اخاف لا شافوا عيوني يشوفونك
العين تفضح ما تخبيه الاخبار
لو يخفي دموعها محجر جفونك
انتظر ليلي عسى بْ عقبه نهار
وعسى اللي جابني لك يجيبونك
تروي صحرا خفوقي بالأمطار
وتزهر بساتين الهوى ب مزونك
يا كم تمنيتك وخانت الأقدار
وياكم صبرت الاسى من دونك
عهد الأمل بك يالزمن غدّار
ياكم تهقويت وخابت ظنونك
لو تشوف من حالتي وش صار
أصبحت لك شاعر ومجنونك
يشوفك ف البشر كل ظلٍ ومار
وانتَ شبيه القمر ما يشبهونك
هذا ومن بيننا حدود وبحار
كيف إذا طاحت عيوني بْ عيونك؟