يا عنك خفض الصوت ما يعني ميوت
بعض الكلام أحيان ما هو من الدِّين
خل الحديث عيون ما يثمر الصوت
للي بمسامعهم تلف ي احمر العين
يونس إبن متى تلطّف به الحوت
يوم التجىء لله عقب الأمريين
وما هو ضعف تسكت ويا حلو السكوت
في مجلسٍٕ ما به للأحرار تثمين
مطنوخهم هلفوت وأبوه هلفوت
وجده قبل م يموت هلفوت والحين
عقّب سلاله تفخر بكل سربوت
في دولة القانون سَنّت قوانين
عقب الوصاخه لبست ثياب وبشوت
ما يقلطون إلا بصدر الدواوين
صغيرهم دلوع وحليل وكيوت
من باب كلمة حق حلوين حلوين
هذا صحيح العلم والعلم مثبوت
وأدري وتدري واكثر الخلق دارين
ليت الردي نطفيه بجهاز ريموت
من شان لا يردي مع الناس ويشين
راح العمر ما بين ما فاتك الفوت
يا معدي الأطلال ما شفت أنا وين؟؟
مات الشغف والعمر ولّى مكبوت
من خوف لا ولّي مع اللي مولين
وأجيب مره العيد في كرت محروق
وأزيد حرقه حرق وأعمالنا دين
من كثرة الخيبات كن جوفي خبوت
في ذمتي مدفون به حيل وافيين
من ديرة المفرق إلى نجد للكوت
لاخر مدى بالغرب للشرق والصين
في داخلي حربٍ كما عين جالوت
أكثر ضحاياها من الناس غالين
دكت ضلوع الصدر والقلب جالوت
لا بد ما حاله بعد صبره تزين
باللي عشاني لا فزع يارد الموت
مؤمن بشرع الله والاسلام له دين