معشوقة الشعر غني بالمعاني غرام
أبيات شعرٍ يزف القاف مضمونها
عقارب الساعة اللي اشرت بالتمام
للموعد اللي جرسها يعزف لحونها
لا عسعس الليل ردي للمشاعر سلام
حمامة الشوق ناحت عند مفتونها
مع فجة الضو كوني للمولع غمام
يكفيه من جمرة الأشواق غليونها
مكحولة الرمش فتنه يعتليها الهيام
ومن الوله تمشي الخطوة على هونها
جتني وأنا العاشق اللي ما يحب الظلام
والحين احب الظلام اللي على متونها
في ساعةٍ والخلايق كلبوهم نيام
يوم إن ليلى تحرا قرب مجنونها