يا من عطيتك من بنات الهواجيس
شعرٍ ملوك الحرف ما يكتبونه
انظم جواهرها مثل عقد بلقيس
واهل سبا سعر الذهب يعرفونه
كثر الخطا يجزع بعيد المراميس
يصد حتى هقوته ما تخونه
دربه طويل وطرقته مالها قيس
يقضي زهابه ما رضى بالمهونه
وان حب قلط شذرة السيف والكيس
حبٍ نقي حتى العهد ما يخونه
لا تقصر الشرهات يا حادي العيس
هداج تيما تنزل الناس دونه
ما تشبع الجايع يدين المفاليس
السوق نعرف بايعه من زبونه