سقى الله ليالي لعبنا والهوى والطيش
قبل لا تصير دروب الاحباب منشرحه
على زمة وعود المحبه وملح العيش
وهاااااااك الشعور الي ما نقدر على شرحه
اجيك اتمادى وانت ما قلت لي بشويش
تغطي عيونك وانت تبكي من الفرحه
واحاضي دموعك كني الخايف الدرويش
وانا الي تمد صروح الامجاد من صرحه
يفيض الشعور الي وقف بين كيف وليش
ويكشف خزين العاشق الي برى جرررحه
تغربت عنكم غربة الي كتب فالجيش
حداه الزمان وصابه الضغط والقرحه
على الحد الاقصى يستلم نقطة التفتيش
والاصحاب شر وكل واحد يبى طرحه
تواصوا عليه ووجهوا له تهم بخشيش
وقالوا هذا خطه وقالوا هذا شرحه
مع انه نزيه ونيته مالها تهميش
ما مضى شبابه تالي الليل فالبرحه
وقع وقعة الي فالشبك ينتهض بالريش
رماه القدر في شبكةٍ في بطن سرحه
وراه امه من الحزن في خدها تنقيش
وابوه يهشم من قوة الهم والسرحه
من يذوق لوع الفقد والصد والتهميش
تمنى انه الي من يدينه حفر ضرحه
وانا يا عشيري دون طاريك كيف اعيش
ابى ابطي وانا ابكي وانتظر دمعة الفرحه