يا عنيده قلبي اليوم طاويه الهيام
كل ما جيت اتناسى تعبت ولا نسيت
ما يقدر دمعة الصدق بياع الكلام
والمشاعر مالها سوق لا بعت وشريت
والوصل دايم يغذي محطات الغرام
والجفا ناره توقد لو انك ما شكيت
حطني يا مطلع النور في وجه الظلام
واعتبرني نجمتن جيت فالليل وسريت
لا ذكرت اني لا سلمت رديت السلام
واتذكر صوتك العذب لا منك حكيت
تنتشيني نزعة الشوق عند الاهتمام
وارتوي من قل وصلك لو اني ما ارتويت
لو تطير طيور قلبي مثل سرب الحمام
ما خفق قلبي لغيرك وغيرك ما بغيت
والله ان حبه بقلبي كثر وبل الغمام
واكثر من مطير بين الرفيعه والكويت