اللي ذبحني، راعي البرقع الذوق
تاهت عيوني..! بين نظرات، عينه
الله أكبر..! كوكبٍ طاح من فوق
مع جملة أهل الأرض، ماشفت زينه
العنق، عنق الريم، والقد ممشوق
والورد، من فوق الوجن، زارعينه
حارت بي الأقدام في مدخل السوق
وضاعت علومي مدري الدرب وينه
شكيت ضعفي،، للذي معتلي، فوق
يلطف بحالٍ، عقب شوفه حزينه
وهليت دمعٍ أحرق الجفن، والموق
ولملمت جرحي، وإرتضيت الغبينه
عوّدت أبي قلبي وإلى القلب مسروق
خذه معه..! زين الوصايف رهينه