يا من عليك يجوز شعر الحداثة
رش أبحنانك مولع فيك رشه
الشعر جاني منك ماهو أوراثه
مصدر اللهامي طلعه لاتخشه
يأ من يمثل لي ثلات وثلاثه
ودي معك لو كان نسكن بعشه
أنت القساوة والحلى والدماثه
والحب والاخلاص زايد مغشه
خلطت مع حسن النوايا خباثه
تضحك لي وزرع الموده تحشه
حرثت مكنون الضماير حراثه
وأنا ضميري داخله روح هشه
وهدمت قصر الحب وعدمت أثاثه
لجلك بنيته بس ثعيت قشه
أرحم غريق منك يطلب لاغاثه
غريته ابحر الموده ودشه
حبك عبثبه في حياته عباثه
كنه ملك شطرنج بيدك تكشه