يا وجودي على طفل تهمل عيونه
بعد قالوا له امك غادرت يا ضناها
كلما شد حبل الصبر دمعه يخونه
ويتوجد يقول بكره يعوّد سناها
كيف ترحل وهي ما غيرها أم حنونه
وكان ما عوّدت روحه تزايد شقاها
قبلها مات أبوه وجددت له طعونه
كن في وسط جوفه نار توقد لظاها
ليت منهو يشوفه يوم يرخي متونه
شاحب الوجه وكتوفه بضيمه ثناها
وشبكم يا عباد الله ما ترحمونه
لعبة التسلية من خلقته ما قناها
ياهل الأموال يا ليت أنكم تكفلونه
صنعت الخير ربي ما يضيّع جزاها