قهرت الغير بإحساسي كما يقرهم اسلوبي
يِجنن كِل من وده مع الأيام يكسرني
اذا زود الوله فيني وطبع الصدق عذروبي
انا كلي عذاريبٍ تفرحني وتسعدني
نطقت الحق من قلبي ولا في شي من صوبي
كلام الناس في عمره محال انه يحجمني
ولا يمكن اوطي له واغير حرف مكتوبي
واساير قولهم فيني وكني خاطيه يعني
ولو امسى العنا حظي وضيق الوقت مشروبي
مسير الدنيا تتغير، واللاقي مين يسمعني
زماني غرره زيفه وبات القلب معصوبي
يضله دربه الغاوي، وهمه ياما جرعني
اهاناتٍ،، تهز اجبال وتعلن موعد اغروبي
واجاهد وحدي العالم اقرب منه يبعدني
انا اتعبني الواقع،، ومني الحلم مسحوبي
ولكن بوصله وادحر، سرابٍ كان يمنعني