لوبنيتي مابنيتي ياإرم ذات العماد
ينهدم بنيانك اللي في يدين المفسدين
إستبحتي حرمة الدين الحنيفي والعباد
ثم كشف رسامك اللي في قلوب الحاقدين
يدعي بأن الحضاره ترتقي فيها البلاد
كيف ترقى؟ بالتحرر في كلام الماجنين
ميت العذر إن تعذر مانفع فيه الضماد
عذره الواهي يثبت حجة إنه مستهين
والوعد كف الأذيه وأخلفونا بالمعاد
في إرمهم لاتحدو يردعون المعتدين
ثارت الدنيا بأثرها وإرتجف قلب الجماد
وإستكن الثأير اللي حذروه المرجفين
ياحسافه نارنا اللي عقبت تالي رماد
وإستخفوا من سببها في إمام المرسلين
وين خالد وين مصعب وين طارق بن زياد
وين موسى بن نصير ووين راح الناصرين
ياخلف وإن تنصر الله مايهيبك العتاد
عدتك ماتستطيعه في ثباتك واليقين
يهتدي من يهدي الله خطوته درب الرشاد
والمشوره سنة الله سنها للراشدين
من تبع سنة نبيه مايهيم بكل واد
مايرد حوض المنيه مع ورود الواردين
لا يشق صفوفنا اللي يحسبون إن الجهاد
شذة اللي للجماعه والمشوره كارهين
مايهون الطاهر اللي ماعرف طعم الرقاد
فاضت دموعه مع اللي بالمنابر واقفين
يرسل سهوم الدعاوي لانزف فيه الفؤاد
يشتكي قو المكيده عند كيد الضالمين
سنة الباري على أرضه لاكثرفيها الفساد
يلحق أولهم على اللي ذكرهم بالأخرين