اجي هاليوم بأحزاني وانا مشهور
انا المشهور ولا احزاني مشهوره؟؟
اموت بحشرجة صدرٍ بدا محشور
تضيق انفاس هالابيات بسطوره
عجزت افهم ندى هالناس والجمهور
وخفت القلب لايطلع لي من طوره
اشووف الكل بعيوني وانا مقهور
واكن الجرح والنظرات مكسوره
سبايب من رحل والقلب له مأسور
رحل لا فك اغلاله ولا سوره
صدمني، ماهقيت انه بدون شعور
وانا خابره والاطباع مخبوره
انا غايب عن الدنيا وانا مجبور
خذيت الهم والاحزان محصوره
رحلت بعين كل الناس مو معذور
معني شفت كل الناس معذوره
حبيبي وانته الاظلم،ترا مشكور
وطعناتك وهم ذكراك مشكوره
واذا اتذكرت ماضينا ولاح النور
ترا قد لي ثلاث سنين والصوره
اقلبها بمحفظتي واقول: اتدور
بك الايام والحوبه لها دوره
توقف عندك بيومن يجيك الدور
وربي مانسى المظلوم وشعوره