دون البشر كلها من بد خلق الله
صرت اتمنى وابيك بجد واسعالك
بيدك تركت الحبل لوصالك وفله
واعقِّده من وين ماتبغي ويحلالك
دامك على طبعي ابمذهبك والمله
القرب منك غنيمه والسعد فالك
ماجيت ادور حلاك ورمشن اتسله
لو ان ربي بدعك وزَّيَن اخصالك
مع ان زينك وصل لقصاه بالجمله
اللي جذبني فعِّلك وطيبة اعمالك
ابلاني الحب قبلك هم ن وعله
من جال همي نزحت وجيت في جالك
وانت اتعرفني وحالي زين تفطن له
عيشني ابقربك وظللني ظلالك
يا اللي ملكت الحلا من جله وكله
تبغي الحقيقه تراك بكوكب لحالك
اي والله ان ذا الجمال اللي على حله
مافيّه شي ن شبيهك ل ايتهيألك
بيدك تركت الحبل لوصالك وفله
واعقِّده من وين ماتبغي ويحلالك
والحين درب الغرام وصرت تندله
ان جيت يامرحبا وان رحت ابسعالك