يوم استشارات العرب صارت بمال
جاتك بلاش وماني بحاتم الطيّ
اختار لك دربن وتلقى به الدال
اخذَ النصيحه من طرف خيٍ لخيّ
للشر مدهالن وللخير مدهال
والثانيه برد ن وف الاوله كي
خذ من زمانك وافتهم درس وامثال
خلد فعْلْك الطيب وسو لك شي
خل البرايا لا اذكرت فعل رجال
قالوا: يعل فلان يبطي وهو حي
ازرع ثمر طيبك على مر الاجيال
صير الضيا والنور والفي والميّ
وان عذربوك اللي يسمون عذال
مايعتم المنخال شمسن لها ضي
ولا يتعبك همن ولا يتعبك حال
حث الدعا واصبر على همك شوي
جنب عن السيات والقيل والقال
وش لك مع اللي يحكي بهذي وذي
ربك كريم ومانسى خير الافعال
غيرك يموت بدنيته مافعل شي