وأطير بسربك النايح.. حمام الدوح
بناظر من سماك شلون تصغيري؟
أسافر وأترك أوجاعي معك وأروح
يعل الوقت يخلف وجهتي وسيري
تعاتبني وتشره،، قلت لك: مسموح
تعبت اشرح معاذيري وتفكيري
اغص بكلمة(ن) ادري تجي وتشوح
وأخاف آآقولها ويقل.. تقديري
ولا اكسر قلبك وتنهل منْك جروح
وتدمع عينك.. ويحتار تبريري
إذا ضاع الكلام إن جيت لك بابوح
بسوق العذر وانت اقبل معاذيري
معي ذكرى قديمه ما نستها الروح
ولا ودي أورثها لأحد غيري
أنا اخترت البعاد وقلت لك باروح
حرام أظلمْك مع هجري وتقصيري