الصاحب اللي من عنا الوقت ماجور
وشلون تسلم في زمان العجايب؟؟
لا صرت أنا عاذْرك هالناس بتجور
تدور الزله وتبغي سبايب
ما تدمح الغلطة ولا تسمع الشور
وشفها ترا تسعى لشب النشايب
قالوا وسوو واكشفوا شي مستور
والموت لاجاك البلا بالقرايب
لي حزة الحزه غدا الكل معذور
كنك تبيهم في ديوون وطلايب
وقت الرخا كلمن يبي ياخذ الدور
ويا قلهم لا صكت ابك النوايب
للي وقف في حزة الضيق مشكور
واللي اختفى في حزة الضيق خايب
رجال والرجال عيب انه يبور
يحكون بأفعاله ليا صار شايب
والصاحب اللي في فعايّْلّْه مخبور
نشره عليه ان كان مقفي وغايب
ولا الردي بيبور ويلف ويدور
ويميل لا هبت عليه الهبايب
الطيب يا أهل الطيب ما منه محذور
إلا مع اللي عذربك وانت طايب