ابوي رباني على الطيب ما ضاع

ابوي رباني على الطيب ما ضاع

ورث(ن) مع الأيام بانت مواريه

عساه في الجنة غدا وسط مرباع

تشفع له المدات من جود اياديه

يتيم من صغري وناطحت الاوجاع

حملت لي حمل(ن) عساني اباريه

كل ما أوقف به مع الضيق..يرتاع

قام ايتثاقل بي.. وثقلت خطاويه

واثره موديني على درب الأسناع

قال: الحمل وياك تكبر هقاويه

طيب(ن) ورثته لا تورثهْ … للقاع

لو جار بك وقتك وزادت بلاويه

من ترفعه عن كل سايم وبياع

تكبر معاه ويرتفع صيت راعيه..

خلهم يذيعونه على كل الأسماع

والسمعة الطيبة تعل المشاريه

وأطباعك احفظها وخل التطباع

(من غير الوجهه يدلون ماضيه)

واللي مع أهل الخير ماشي وتباع

إن حبه الله..حبو الناس ما فيه

والناس طماعه مثل م انت طماع

محدٍ يشوف الخير ويقول ما بيه