أحيان ودك بالسفر دون موعد
تاخذ معك ذكراك وتفل الاوراق
دايس على قلبك ومقفي ومبعد
مايطري ف بالك حكي، قرب واشواق
وتسج عن لهفة خفوقك وتقعد
لا الحب صالح لك، ولالحظة عناق
كل البشر ف قلوبهم شي يسعد
لاطالت الغيبات، ترجع وتشتاق
في ناس توفي، مير منهو بيوعد؟
في وقت ما خلا لنا شي ينطاق
ودي اهل الدمع لا احصي ولاآعد
وآهل كل اللي بقا وسط الاحداق
مثل السما وشلون تبرق وترعد!!
ماتمطر بموعد ولا وقت الاشراق
احيان ودك بالسفر حيل تبعد
وتذوق طعم البعد، وتحب الفراق