عنق لحمال
حمالة
وعنق الشريط
شريط
لي خلاوه اللوالا
تسالا
ولي بقا للتوالا
يشيط يشيط
خلاو اللوالا الضمير
مات الضمير بالضبر
وبقى الجري والتزعريط
مشات لفهامة وتبعها الصبر
ولا العمر واقف على خيط
كلها جبد عندك انتر
بلا تاني ولا تخطيط
هذا خبري ومازال يجيك الخبر
وخا يتبنى عليا حيط
اراسي ابو لفكار
مال بنادم ما مصوق اخبار
دابا دور فين ما لوقت عواج ودار
وايلا غبرتي وما بان ليك اثار
يذكروك كيف حربا وعيشة بيطيط