يا ناعس الطرف بسم الله عليك
وجهك من الله حلو والكحل زود حلاه
زهرٍ تفتّح بقلبي يوم مرّوا يديك
ريحٍ تعطر فؤادي كل ما هبّهب شذاه
ما هو جمالك فقط.. حتى الأناقة تبيك
وقارك اللي تجلّى كل معنى وراه
تمشي كأنك قمر.. والليل كنه يفتديك
والصبح يشرق إذا مرّت خطاك وسناه
أنا أكثر إنسان احبك حتى من والديك
وانت اكثر إنسان تيّه من يحبك..وتاه
اللي عجز لا يبيعك؟.. لو عجز يشتريك
لا تتركه.. ل اليالي لين "تبحث خفاه"
حبل الغلا لا تهده.. والحبل خله
شده!.. على قد ما تقدر "تقصر مداه"
صدقني انه كثر ما حبك، مات فيك
ما مر يومٍ عليه بدونك؟..وما بكاه
لو عاش.. باقي (حياته) كلها يحتريك
راضي ومستسلم وصابر وش إللي وراه
أبيك.. ولا قدرت أقول وشلون أبيك؟
اللي نحبه!.. عسى الله لا يبين (غلاه)
احن حتى عليك من "القصيد الركيك"
ما يصلح البيت لو ما انت ب على مستواه
يا كثر.. ما قلت لك خل الحركات ذيك
قبل لا يوصل معك حد الرجاء.. منتهاه
عطني من الود ما يرضي غروري وآجيك
مجي من يكره الموت؟..ويحب الحياه