يا زينها لحظة فيها التلاقي حلال

يا زينها لحظةٍ فيها التلاقي حلال

فيها القلوب تْذوب من طيب إحساسها

من شوفها، ينولد في داخلي عالم خيال

ومن صوتها، تنبت الأشواق بأنفاسها

هي بسمةٍ، ما تمر إلاّ على قلبٍ مال

تمشي على نبض قلبٍ، زاد وسواسها

يا أول الحُب، يا آخره، ويا كل حال

يا نجمةٍ ما تغيّب شمس نبراسها

يا بنت، يا حلم، يا معنى الغرام المُحال

يا وردةٍ ما تذبل لو قسى ناسها

تبختري بالغنْج، ميلي دلع، تيهي دلال

أنا غرامي من الأغصان ميّاسها

فديت جيد من الشامات،فيه اختيال

والشفّة اللي عرفت الخمر،من كاسها

وجديلك اللي تفلّينه، وألمّه ليال

وعيونك اللي تسهرّني من نْعاسها

ما نام طرف نصيبه من جمالك خيال

كم نفس لحظة مرورك تحبس أنفاسها

أنتي قمر فوق غصن وله معنّق غزال

والقاع من تحتك أزيّن منك ما داسها

أخاذة الزين، ميّادة الطرف، عصّية منال

وأملَح من اِلتحفت الشيلة على راسها

وش هالتواصيف؟ وش هالحلا؟ والجمال؟

كن السماء كاسيّه عودك من لْباسها

الحلوة اللي تفوقك وين؟ هذا محال

هي حلوة اِلين فيك يْتّم مقياسها

كمال لا يمكن تْصيبين فوقه كمال

يا سيّدة عرش ذاكرتي وهواجسها

قلبي جبل، كيف حوّلتيه كومة رمال

قلعة صمودي تهاوت فوق حرّاسها

ما جابتك ليلة ماهي كريمة خصال

الليلة اللي تجيبك حيّ نسناسها

كم لحظة قد مضت، وإحساسها لا يزال

لامن تذكرتها يرجع لي إحساسها

الحُب فعل ودليل الحُب كثر السؤال

والوصل نبض المحبة والعطاء ساسها

{ أحبك } {أشتقت لك} { وينك حبيبي تعال }

رسايل يا عساني ما أفقد أجراسها

اتصلي لا حرمني الله ذاك الاتصال

ولا صور حبيبك لا أختلى في باسها

ولا طواريك يا أغلى من سرح فيه بال

ولا هداياك يا دنياي يا ناسها

نفسي عن الآخرين تفضّل الانعزال

إلاّ عن اللي معاه تحصّل إيناسها

نفس تجاهد ما بين الياس والابتهال

ردّي عليها أملها وأنفضي ياسها

ويّاك روحي تكون بخير في كل حال

بْعدك وهن روحي ولقياك لا باسها

قدام هذا الحسن مالي سوى الامتثال

يا عقلي اللي خذتك الظلم نبراسها

ب تظّل تسقيك لين توصّلك للهبال

ما تكتفي لين تِذهب عقل نوّاسها

فتّانة العنق ما يزهاك غير الدلال

مثل ما يزهى قلادة عنقك ألماسها

عيونك المُعتقل وأنا رهين الاعتقال

وايدينك تملك سعادة نفس واِتعاسها

يا شوق روحي لروحي عند كل ارتحال

وحديث نفسي لنفسي بين جلّاسها

لا يِزعلك شي في الدنيا وأنا أخو العيال

لو تزعلين أقلب الدنيا على راسها

تبقين فيني ولو غابت ليالٍ طوال

تبقين نبض القصايد في مجرّاسها

وإن غبتِ، يبقى على ذكرك خفوقي زلال

وإن جيتِ، تْزهى الليالي في، قرطاسها

أنتِ القصيدة، وأنا شاعر غرامٍك هبال

أكتبك شوق، وأختم فيك نبراسها

وإن مرّ طيفك على بالي ولو بالخيال

أحسّ قلبي يهلّ العطر من ساسها

وإن ناديتك باسمك، ما يردّك مجال

تردّ لي كل لحظة كنت حاسّسها

يا زين ذاك الغرامٍ،الي ما عرف له زوال

حبٍّ على كل نبضة زاد بي نبراسها

أختم قصيدي، وقلبي ما عرف له مِحال

وحدك سكنتي بالقصايد ووحدك أنفآسها