يا ليل قله طال صبري وسهادي

يا ليل قله طال صبري وسهادي

والقلب من طعنات وقتي تلوّن

أقبل علي لا تخاف وصلك مرادي

أنا بوجهك لا تصد وتهوّن

يا كثر ما تجرح وأنا أقول عادي

من قوة جروحك بالأضلاع دوّن

شمّت فينا يا حبيبي الأعادي

وكلابهم في غيابنا كم عوّن

ما عاد لي في سكة الشوق حادي

في صفحة الغيّاب اسمي تدوّن

دنياي مالت بي وهزت عنادي

وأزهار ورد الحب ذبلن وذوّن

ما كنت أظن تخون فيني الأيادي

في عز ضيقي واحتياجي تطوّن

ولا كنت أظن تضيق فيني بلادي

بالله عليكن يا همومي تروّن

ما كنت أظن الوصل يصبح رمادي

واللي وعدني يصون العهود هوّن

ما كان ودي يا خفوقي تُنادي

للي تذرّى في أماني وخوّن

أوفيت له ما خنت فيه المبادي

وما غيره من الناس عالعمر موّن

اتصنع هدوئي وأنا غير هادي

اتثبتي ي ضلوع صدري وتقوّن

أزريت اصبّر خافقي في بعادي

خلي الجروح يسوّن اللي يسوّن

أرسم طموحي في ثرى الشوق وادي

وألقي حنيني في مداك يتكوّن

لا تشتكي ليل الجفا يا فؤادي

لا بد ما يجلى الظلام ويضوّن

خلك على الأطلال لو قيل غادي

وكل الحنايا اشتياق ايتشوّن

ويا ليل قله طال صبري وسهادي

والقلب من طعنات وقتي تلوّن