خايف عليكي يا بلدي
. من غضب أنسان
في الحبس كان متهان
ثاير... على الطغيان
خايف عليكي يا بلدي
من غضب أنسان
داق العذاب... ألوان
من ذل... أو حرمان
صبح الغضب عنوان
خايف عليكي يا بلدي
من لوعة الأحزان
خايف عليكي يا بلدي
من قسوة السجان
عايش حياتي فيكي
عبد للمأمور
سن القلم... مكسور
والعقل... زي الأرض
والأرض صبحت بور
عايش حياتي فيكي
في انتظار الدور
راكب في قطرك
في أنتظار لحريقه
أو صخره تطحن.
للجسد في دقيقه
وكام دويقه تعدي
. تيجي وراها دويقه
والعجله بينا تلف
والهم بينا يدور
نفسي أهرب...
نفسي أخرج...
نفسي أهدم أي سور
عايش حياتي فيكي
في انتظار الدور
عايش حياتي فيكي
زي صرخة صوتزي شجرة توت
في أرض يابسه مشققه
والنيل... قصادها يفوت
عايش حياتي فيكي
في انتظار الموت
عايش حياتي فيكي
في انتظار الدورفي انتظار النور...
في انتظار... تأشيره عالبسبور
عايش حياتي فيكي
بس مش عايش
في أنتظار تأشيره
أو عيار طايش
عايش حياتي فيكي
في انتظار الدور
بس خايف...
خايف ايأس
خايف يفوت الدور
خايف عليكي يا بلدي
من غضب أنسان
خايف عليكي يا بلدي
من قسوة السجان
خايف عليكي يا بلدي
من ضلمة النسيان
خايف عليكي من العدا
وخايف من الخلان
خايف عليكي يا بلدي
من الزمن خايف
الكل فيكي أتعمى
وانا الوحيد شايف