حبيت يا ناس
وحلمت بخير
بحلم أبنيلها قصر كبير
شبابيكه دهب وستايره حرير
حواليه أشجار وعليها عصافير
لكنى صحيت ولاقيتني فقير
لو بس جدّى كان أمير
أو حتى أبويا كان وزير
مش كان زماني غنى ويسير
قالوا السفر دا فلوسه كتير
قلت نجرّب المشي أهو خير
واهرب م الفقر وشغلى أجير
أهو حتى أركب طيّارة وأطير
فوق السحاب زي العصافير
وسافرت وشفت حاجات كتير
حاجات تخلّى العقل يطير
لقيت هناك وحوش مش ناس
مفيش رحمة مالهاش أساس
حسّيت بعذاب فاق الإحساس
وشربت مر الفراق بالكاس
حرّمت أحلم من تانى يا ناس
وداع يا حب توبة خلاص