حبيبتى يا أمى
دايما كده تضمى
انت أمان الكون
تجيبينا وتلمى
اخواتى وعيالى
عايشين برضاك
ما حد يوم ينسى
نيل عطاياك
انت الأمل والروح
لحياتنا يا أمى
ومهما كنا نروح
لشتاتنا بتلمى
أمى يا ماليه الكون
طريق رضا ربى
ومهما فيك أقول
وادارى وأخبى
تنزل دموع العين
معاها بكا قلبى
سامحينى يا أمى
ان كنت يوم اغضب
رضاك يسبقنى
على صدرى ويطبطب
يا نبع حنيه
وأمانى تتحقق
ان كنت يوم ازعل
تحضن وتترفق
يا رب احميها
واكرمها وارعاها
وارزقنى يا ربى
رضاك ورضاها