لمتمردين حركة تمرد
بلاش تقولى مسلمين
منا مسلم اكتر مِنّكُو
واكْمِنّى حابب ستالين
سايقين عليّا غِلّكو
طيب بقى أنا ستالين
وكمان جيفارا وميت لينين
ومش كل حاجه تقولى دين
طب محْنَا برضو موحدين
واللى فارقنا عنّكو
إننا متنورين
أنا نفسى تجمعنا الحضاره
وناخد الحضارة كلها
دعارتها حتى وطُهْرها
ماهى مصر عايشه عمرها
من صغرها
قاعد أمون على قلبها
الإزمه ف اللى إحتلها
وغَيّر تاريخها وفكرها
وسَفّه حضارة شعبها
عايزين الحضاره والفنون
مش كل حاجه تقولى دين
ليه إنتو ليه متشددين
يا خلق هو عايزين نعيش
ما بتفهوش؟
هترجعونا للوراء؟
إيه ده؟ غباء!
من يوم ما جيتو بظلمكو
كل يوم رايحين نتوه
واللهْ ما يلزم شرعكو
غير بوش وابوه
إياك تقول قال النبى
مسلم أنا
لكن بحب الأجنبى
وإن جه ف يوم واحد غبى
يقول زمان الفاتحين
أقول له روح يلعن أبوك
المسلمين دول بيخونوك
الغرب الحضاره والجمال
علشان تكونوا زيهم
مليون مُحال
الغرب حضاره من سنين
من غير هباب
اللى اسمو دين
أنا مصرى عايش بالمزاج
ويا اليهودى والشيوعى
إن شالله شيعى
وبحب دينى بالمزاج
حتى الزواج
وساعات بكون ثائر كبير
وما يهمنيش
ما يهمنى إنى أعيش
يا مسلمين يا موحدين
ياللى بجد موحدين
يا شعب مصر الطيبين
هم دول مين أطلقوا
على نفسهم متمردين