يا شعبنا ما أروعك
الثوره والعه
ياللا قيد ألف شمعه
تِنَوّر الأمل اللى جَىْ
وانزع حقوقك ف الميدان
يا شعبنا ما أروعك
مين يخدعك
ليك الحضور والصولجان
يا شعب لا ترضى السكوت
لجل الحياه
رايحين نموت
دا الثوره أصبح ليها صوت
تِنْزِف شهيد
تِنْزِف جريح
بينا ع الميدان
ياللا نِرُوْح
نهتف نقول يحيا الألم
يا عسكرى إظْلِم وجور
ع الثوره ثور
لو يوم يضيع فيه حقنا
أو يضيع حق اللى ماتوا
فى الميدان من قَبْلِنا
هنكون نيران
ونكون حِمَمْ
دا الثوره والعه
ياللا قيد ألف شمعه
تنور الأمل اللى جى
وانزع حقوقك ف الميدان
يا شعبنا ما أروعك
ليك الحضور والصولجان
يا عسكرى ازاى تعيد
قانون طوارىء
ازاى تِحِل البرلمان
الشعب مش هيكون سعيد
لو رَجّعُوه لايام زمان
يا شعبنا قوم انتفض
واحرس ميدانك
اوعى تِضْعَفْ أوتِسَلِّم
للى خانك
طول مانت قاعد ف الميدان
راح يسمعوك
اضغط عليهم
هيطيعوك
دا الثوره والعه
ياللا قيد ألف شمعه
تنور الأمل اللى جى
وانزع حقوقك ف الميدان
يا شعبنا ما أروعك
مين يخدعك
ليك الحضور والصولجان
قوم يا مرسى شد حيلك
التاريخ
عمال يسجل
إياك يا مرسى ترضى يوم
يكبلوك
ويدستروك باعلان مكمل
الميدان قاعد يراقبك
لو هتعمل زَيُّهُم
هيقولك
إرحل
دا الثوره والعه
ياللا قيد ألف شمعه
تنور الأمل اللى جى
وانزع حقوقك ف الميدان
يا شعبنا ما أروعك
مين يخدعك
ليك الحضور والصولجان