أنا مصرى وبقول ارحل
يا عم ارحم بقى ارحم
بلدنا واتخرب بيتها
والثورة بعتها هدية
وكل فلوسنا وديتها
وخدت مكانها شرعية
يا سايب للعدو غازك
وخدت اللقمه من جوفنا
غلبنا نحل ألغازك
يا معيشنا فوق خوفنا
يا فاتح ألف زنزانة
وقاتلنا ف شوارع مصر
يا قاتل مصر جوانا
فاكرينك وما بننساش
يا مبكى عيون النيل
وبايع ميته ببلاش
يا قاتل كل أمانينا
يا جاعل حلمنا منحاش
وبايع يومنا وإمبارح
خليك فاكر وما تنساش
تبيع بكره اللى لسه ما جاش
بقولك أيه
أبوس إيد أم أيمانك
يا عم ارحل
ماتستناش