وليت يارجمن بك سنينين عديت
واليوم جيتك شفت شين حزني
يا ليتني يارجم ماعاد لك جيت
بينت ما خفيته وما كنت اكني
قمت اتذكر ماضي الوقت ياليت
لوكان ما ينفع كثير التمني
شين ذكرته يوم يا رجم مريت
بيوت حولك سابقن ينبنني
واليوم أرضك خاليه ما بها بيت
غير الحصاني برضها يضبحني
وين البيوت اللي تونس الياجيت
مفتوحة الأركان ما يقفلني
وين الرجال اللي لها السمع والصيت
اللي مجالسهم لها القلب حني
اقفت بهم الأيام راحوا تشاتيت
الموت اخفى شوفهم اليوم عني
هلت دموع العين مني تفاخيت
عيوني على فرقا الجماعة بكني
شفنا منازلهم بذيك الخوابيت
وهلت دموع العين يا رجم مني