الأم جنة و الأبو ستر و ظلال
والاخوة عزوه تفتخر في مجيده
والأخت عز و سر في كل الحوال
تبدي عليها السر و سرك تجيده
وأمك عليك الليل تسهر ولو طال
تعطيك شي بنفسها هي تريده
تعطيك وتترك نفسها يابن الابطال
ودايم على شقاك تبقى سعيدة
و ابوك يركض ويتعب الحال للمال
يبي يوفر كل شيٍ تريده
يتعب على شانك بالقفا و الإقبال
وياما يتعرض للظروف العنيدة
يصبر ولايبدي من الحال ماحال
و ماكل مايبغاها تنوله ايده
واخوك الين الجال اصتك بالجال
مثل الجبل الي يذريك حيده
محزم ظهر يسندك في كل الأفعال
مثل الحبال المفتلة والجويدة
واختك طبيعتها لك القلب ميّال
عليك ماترضا الظروف المكيدة
وتلجا لها لاضقت في بعض القوال
وتسعدك في بعض الهروج الفريدة
وابوك وامك برهم ورخص الحال
وان طلبوا منك شي حاول تزيده
حاول تسارع قبل مايصير ويقال
راحو من بيتك للبيوت الجديدة
تصير شوفتهم بعيدة عن البال
وتصعب عليك مواجهة ماتريده
والموت حاصل وجاي لو العمر طال
ولابد ما يومٍ سريع شديده
ولابد من فرقا من العم والخال
وكل القرايب فراقهم ذي اكيدة
والوقت هذا فيه راحل ونزّال
ولابد من يومٍ تلف الجريدة
وتبقا الكتابة عكس ما يشاف ويقال
و الرابح اللي محتفظ في رصيده
ماهو رصيدٍ بالعقارات والمال
رصيد فعلن بالعلوم الحميدة
يا لله توفقنا جزيلات الأعمال
وانك توفقنا الدورب الرشيدة
يامن نزل الفرقان و سورة الانفال
تغفر ذنوبي الماضية والجديدة
وانك تنزلنا على خير منزال
ليا طويت الصفحات وقفّل بريده
وصلاة ربي عد ماهل همّال
على نبيٍ وضّح الحق سيده