كان نفسي يا مّه في يوم عيدك
أجيب هدية وابوس إيدك
تاخديني في حضنك يا مّه
و يضمني صدرك ضمة
يا حضن دافي غيطان وبيوت
يا أحلى حضن في حبه أموت
وان مت يا مّه ابقى شهيدك .. كان نفسي يا مه
كان نفسي يا مّه أقول واحكي
و تبدّلي دموعي بضحكي
كل الهنا لمّا بشوفك
سعيدة ولا مرة بتشكي
يا حضن دافي غيطان وبيوت
يا أحلى حضن في حبه أموت
وان مت انا أبقى شهيدك .. كان نفسي يا مّه
كان نفسي اشوف بسمة عينك
و شمس بكرة على جبينك
والورد في خدودك فوّاح
بالفرحة عطّر بساتينك
أنا ليا مين غيرك يا مّه
ضميني في صدرك ضمّة
يا حضن دافي غيطان وبيوت
يا أحلى حضن في حبه أموت
وان مت يا مّه أبقى شهيدك ... كان نفسي يا مّة