حي جيل يا بلمثالي

حيّ جيلٍ يا بِلَمْثَالي

عند شهمٍ شَخَّصْ أوصوفَه

طرّزه اوْ عنّاه في الحالي

من ذَهَبْ وِمْزيِّن حْروفَه

بان ليِ فِي فَسْره أمْسَالي

لِلْهِوىَ اوْ مَعْناه وِصْرُوفَه

الغشيم ايتابع الّلالِي

يقصده وِيْوَاجِهْ احْسُوْفَه

والخبير إيْجِسّ لحوالي

قَبلْ لا يعني لَهَا ابْلوفَه

ما يِبِدِّه صُوعْ وأهْوَالِي

يِفْهَمْ الواقع من ايشوفه

الملامح تَلْفِتْ البالي

لِلنِّبِيْه اْتكون معروفَه

ايْشَخِّصْ الأَشْيَا ولا يْسَالي

حَذِر عن لا تِلْحَقَه حُوْفَه

لِلْمَحَبِّة طِرْقٍ اطْوالي

عَدْلةٍ والبعض مَحْرُوفَهْ

تقصد اَلاْشَواقْ جِهّالي

طامِسْ الاعلامْ مَا تْلُوفَه

لو اتْجِدّ أوتْبغي اتْنالي

لَغْلِبّيِه إِتْخَسِر شُوْفَه

للمودّة وَصِفْ ينقالي

مَا يْغَتِر عَارِفْ وَلاَ ايْطُوفْه

بشّةٍ من خاطر الغالي

تنبني الغالين مَا صُوفَه

الهوى ما فيه مِتْعَالي

بين لِمْحِبِّين مَنْصُوفَه