في ماضي الوقت أحب الصبر وكنّه
وطوف عن كل زلّه واتعداها
اصبر على غلطة الغلطان وحنّه
وأقول يمكن خطاياه يتلافاها
لين الهلامة تجرا وضرس بسنّه
ويثوّر البندقية داخل خباها
أثر الردي لا رفعته يفتكر أنه
عليك بالغصب عداها ومشاها
ادعس على اللاش لين يصير له حنّه
ويحسب حساب المواقف قبل يلقاها
يامن تعاتب حسن يوم اختلف ظنّه
تقول ما خبرك هالطرقة تنحاها
المحترم من طبوعي أستحي منّه
وهين بعض الأوادم واتحداها
هلايمٍ من قذارتها لها صنّه
ومن غباها تريد تكبّر اسماها
إبليس لو تاب ما يدخل في الجنّة
وأهل الرخامة محال تغير دماها